ဝင်ခါနီးနေလုံးဟာ မအူချောင်းရဲ့ အနောက်ယွန်းယွန်းမှာ မေးတင်လို့နေတယ်။ ပုစွန်ဆီရောင်ထနေတဲ့ ကောင်းကင်ဟာ အိပ်တန်းပြန်ငှက်တွေနဲ့ စည်ကားနေလေရဲ့ ။ ချောင်းကမ်းစပ်တစ်လျှောက် လမုပင်တွေက အစီအရီ ။ ချောင်းရေပြင်ကို ဖြတ်သန်းလာတဲ့ လေပြေကြောင့် ချောင်းရေသင်ဖြူးဟာ လှိုင်းကြက်ခွပ်တွေနဲ့ မခို့တရို့လှနေတယ် ။
``ဟေ့ကောင် သံခဲ ဘာငေးနေတာလဲ ။ ငါမင်းကို ဟိုအပင်နားလှော်ဖို့ ပြောနေတယ်လေ´´
အဖေ့ရဲ့ ခပ်ငေါက်ငေါက် အသံအရောက် ။ သံခဲရဲ့ ခေါင်းထဲက သဘာဝအလှတွေလည်းပျောက် ။ လှေကို အဖေညွှန်ပြရာ အပင်ဆီအမြန် လှော်ခတ်ရတယ် ။ မဟုတ်ရင် အဖေ့ဒေါသက သံခဲ ခေါင်းပေါ်ကို ဒေါက်ခနဲ ကျလာမှာလေ။ အပင်နားရောက်ခါနီးမှ လှေကိုအရှိန်သေစေဖို့ တက်ကို နောက်ပြန်ခတ်လိုက်တယ်။ အပင်က ရေထဲကနေ တစ်တောင်သာသာထိုးထွက်နေတယ်။ အဖေက ရေပေါ် ပေါ်နေတဲ့အကိုင်းကို ဆွဲယူပြီး တန်းကြိုးကို ချည်လိုက်တယ်။
ဒီတစ်ခါတော့ အဖေ ငေါက်စရာ မလိုဘဲ လှေကို အဖေညွှန်ရာ သစ်ပင်ဆီ အလိုက်တသိ လှော်ခတ်ပေးလိုက်တယ် ။ အဖေက အကိုင်းတစ်ခုကို ဆတ်ခနဲဆွဲယူပြီး တန်းကြိုးကို ချည်လိုက်တယ်။ တန်းကြိုးက ရေပြင်အထက် တစ်ထွာကျော်ကျော်တွင် မလျော့မတင်း ။ သံခဲကလှေကို တန်းကြိုးတစ်လျှောက် အလိုက်သင့် ကပ်ပေးလိုက်တယ်။ အဖေက ပလိုင်းထဲက ပုရစ်တွေကို နှိုက် ။ ရုန်းကန်နေတဲ့ ပုရစ်ရဲ့အတောင်နဲ့ခြေထောက်တွေကို ပူးနေအောင် အုပ်ကိုင် ။ ပုရစ်ကို ကုပ်ကနေ အမြီးထိ ငါးမျှားချိတ်ထိုးသွင်း ။ ပုရစ်တပ်ထားတဲ့ ငါးမျှားကြိုးကို တန်းကြိုးမှာချည် ။ ယက်ကန်ယက်ကန်နဲ့ ပုရစ်ငယ်ဟာ ရေပြင်အထက်မှာ ငါးကြီးတွေကို မြှူဆွယ်နေရရှာတယ်။
`````ဟင်းးးးးးးးးးး´´´´´´´´´
ခပ်ကြိတ်ကြိတ်ချလိုက်တဲ့ သက်ပြင်းသံကိုတောင် အဖေက ကြားသွားလေရဲ့ ။ သံခဲကို မျက်ထောက်နီနဲ့ကြည့်ပြီး။
``မင်းကို မာအောင်ကြောအောင် သံခဲလို့ အမည်ပေးထားတာကွ ။ ခုတော့ လူနဲ့နာမည်က တခြားစီ ။ အားနေ ငေးလိုက်တွေးလိုက် သက်ပြင်းချလိုက်နဲ့ ။ တောက် ရှေ့ကိုနည်းနည်းတိုးစမ်း ။ ငါးမျှားကြိုးတွေ ချည်ရမယ်´´
အဖေ့ရဲ့မာဆတ်ဆတ်လေသံကို သံခဲ မတွန်းလှန်နိုင် ။ လှေကို ရှေ့နည်းနည်းရောက်ဖို့ ရေကို လှော်တက်နဲ့ ဆွပေးလိုက်ရတယ်။ အဖေကတော့ သူ့အလုပ်တွေကို သူဆက်လုပ်နေတယ်။ ပုရစ်ငယ်တွေကတော့ တစ်ကောင်ပြီး တစ်ကောင် ယက်ကန်ယက်ကန်နဲ့ အသုံးချခံနေရတယ်။ သံခဲကတော့ ယက်ကန်ယက်ကန် ပုရစ်ငယ်တွေကို မျက်လုံးစုံမှိတ် လျစ်လျူရှုရင်း အဖေ့အငေါက်ကလွတ်ဖို့ ကြိုးစားနေရတယ် ။
ငါးမျှားကြိုးချည်တဲ့ကိစ္စပြီးတော့ သားအဖနှစ်ယောက် တဲရှိရာချောင်းကမ်းဘက်ဆီ လှော်လာခဲ့တယ်။ ကမ်းရောက်လို့ သံခဲ လှေဝမ်းထဲကရေတွေကို ပက်ထုတ်နေတုန်း အဖေကတော့ ကမ်းပေါ်တက်သွားတယ်။ ရွာထဲမှာသွားဆော့ဖို့ သံခဲခွင့်တောင်းတော့ အဖေကခေါင်းညိတ်ပြတယ်။
သံခဲလည်း ကိစ္စဝိစ္စပြီးတာနဲ့ ကမ်းပေါ်ပြေးတက် ။ ရွာထဲကို ကဆုန်ပေါက် ပြေးဝင်လိုက်တယ်။ ရွာလယ်က မန်ကျည်းပင်အောက်ကို ရောက်တော့ လူစုံနေပြီ။ ဝိုင်းထိုင်နေတဲ့ ကလေးအုပ်ရဲ့ အလယ်မှာ မတ်တပ်ရပ်ပြီး ဟန်ပါပါ ကဗျာရွတ်နေတဲ့ ဖွေးစိန်ကိုမြင်တော့ သံခဲ အားတက်သွားတယ် ။ ဟုတ်တယ် ။ တစ်ရွာလုံးမှာ ကျောင်းနေရတဲ့ တစ်ဦးတည်းသော ဖွေးစိန်က သံခဲတို့ရဲ့ အားထားရာပဲ ။ ဖွေးစိန်ဆိုပြတဲ့ ကဗျာတွေ စာတွေကို လိုက်ရွတ် လိုက်ဆိုရတာ သံခဲ သဘောအကျဆုံး။ ဘာလို့ဆို သံခဲက အသက်ကသာ ကိုးနှစ် ဆယ်နှစ် ။ စာဆိုတာကို ခုထိ အရုပ်ရေးပြရမလို ။ ကျောင်းဆိုတဲ့နေရာက သံခဲနဲ့ မသက်ဆိုင်သလို ။ ဒီတော့ ဖွေးစိန်က သံခဲထက်ငယ်ပေမဲ့ သံခဲရဲ့ ဆရာမပဲ။ သံခဲက ကလေးအုပ်ထဲကို တိုးဝှေ့ထိုင်လိုက်တယ်။ လက်ခုပ်လက်ဝါးတီးပြီး ဖွေးစိန်တိုင်နေတဲ့ ကဗျာကို လိုက်ရွတ်တယ်။
``သူ၏ အသက်သတ်သည့်အတွက် အသက်ကိုယ့်မှာတို နှိပ်စက်ကလူ ညှင်းပန်းသူ ပြောသူ ရောဂါထူ မသတ်ရှောင်ရှားနေသူများ အသက်ရှည်တာများ´´
ကဗျာ အဆုံးမှာ တဖြောင်းဖြောင်းနဲ့ လက်ခုပ်တွေ တီးကြပြန်တယ်။ ဖွေးစိန်က မက်တပ်ထရပ်လိုက်ပြီး ။ သူ့ရဲ့ စွန်တောင်ဆွဲ ထဘီလေးကို ဆွဲဆန့်လိုက်တယ်။
``သူများအသက်ကို သတ်ရင် အနာရောဂါ ထူပြောပြီး အသက်တိုတတ်တယ်တဲ့ ။ နှိပ်စက်ညှင်းပန်းရင်လည်း ရောဂါထူပြောတာပဲ တဲ့ ။ အဲ့တာကို ဝဋ်လည်တယ်လို့ ခေါ်တာတဲ့ ။ သူများကိုနာအောင်လုပ်လို့ ကိုယ်ပြန်နာတဲ့ သဘောပေါ့ဟာ ။ ဒါကြောင့် နင်တို့လည်း သူများအသက်ကို မသတ်ကြနဲ့နော်´´
အားလုံးက တစ်ယောက် တစ်ပေါက်နဲ့ ပြန်ဖြေကြတယ်။ ဖွေးစိန်က ထဘီလေးကိုမပြီး ကုန်းအော်လိုက်တယ်။
``ဟာ မသတ်ရင်လည်း ပြီးရောဟာ။ လာ သွားဆော့ကြမယ်´´
ကလေးတစ်အုပ်က ဖွေးစိန်ဦးဆောင်ရာ ကစားနည်းအတွက် အုပ်စုဖွဲ့ လူခွဲနေကြတယ်။ သံခဲကတော့ နေရာမှာပဲ မလှုပ်မယှက်ထိုင်နေမိတယ်။ နားထဲမှာတော့ ဖွေးစိန်ရွတ်ပြတဲ့ကဗျာနဲ့ ဖွေးစိန်ပြောခဲ့တဲ့ စကားတွေက မိုးဦးကျ ဖားတွေအော်နေသလို ။ ပြီးတော့ သံခဲ မျက်လုံးထဲမှာ အဖေ ။ ပြီးတော့ ယက်ကန်ယက်ကန်နဲ့ ပုရစ်လေးတွေ။ ပြီးတော့ ငါးမျှားချိတ်တန်လန်းနဲ့ ငါးတွေ။ သံခဲ မတ်တပ်ထရပ်လိုက်တယ် ။ ပြေးလွှားဆော့နေတဲ့ ဖွေးစိန်ဆီကို ပြေးတယ်။ ဖွေးစိန်ရဲ့လက်ကို ဖမ်းဆုပ်လိုက်တယ်။
``ဖွေးစိန် ငါးဖမ်းတဲ့ ငါတို့အဖေရော ရောဂါထူမှာလားဟင်´´
ဖွေးစိန်က သူ့လက်ကို အတင်းရုန်းနေရင်းက ခေါင်းညိတ်တယ်။ သံခဲက ဖွေးစိန်လက်ကို မလွှတ်သေးဘဲ။
``အသက်ရော တိုမှာလားဟင်´´
ဖွေးစိန်က စိတ်မရှည်တော့သလို သံခဲရဲ့လက်ကို အတင်းဖယ်ပြီး ကုန်းအော်သွားတယ်။
``အေးဟာ အေး သူများအသက် သတ်တဲ့လူတိုင်း အသက်တိုမှာ ရောဂါထူမှာဟာ မယုံရင်လည်း ဆရာမသွားမေး´´
ဖွေးစိန်က ပြေးထွက်သွားတယ်။ သံခဲ ခေါင်းကို တဗျင်းဗျင်းကုတ်တယ်။ သံခဲ ယုံပါတယ်။ ဆရာမကိုလည်း သွားမေးစရာ မလိုပါဘူး။ သံခဲ စိတ်ပူနေတာက အဖေ။ အဖေက သံခဲလိုပဲ စာဆိုတာ အရုပ်ရေးပြရမယ့်လူ ။ ဖွေးစိန်ပြောတာတွေကို အဖေ သိမှာမဟုတ်ဘူး ။ မသိလို့သာ အဖေက လုပ်နေတာပေါ့ ။ ဒါပေမဲ့ ခုချိန်လောက်ဆို အဖေက မူးနေလောက်ပြီ။ ခုချိန် အဖေ့ကို ဒီ အကြောင်းတွေ သွားပြောပြရင် ထိပ်ခေါက်ခံရမှာက အသေအချာ။ သံခဲ ခေါင်းကို ခါရမ်းလိုက်တယ်။ ပြီးတော့ ဆုံးဖြတ်လိုက်တယ်။
အဲ့ဒီနောက်တော့ ခြေလှမ်းတွေက အဖေရှိရာ ချောင်းစပ်က ဦးစံလှရဲ့ အရက်ဖြူဆိုင်သို့ ။ ဆိုင်နားကိုရောက်ခါနီးမှာ ဆိုင်ထဲက လွင့်ပျံလာတဲ့ သီချင်းသံလိုလို ဘာလိုလို အဖေ့အသံဝါဝါကြီးကြောင့် သံခဲ ခြေထောက်တွေ တုံ့ဆိုင်းသွားပြန်တယ်။ ဒါပေမဲ့ ဖွေးစိန်ရဲ့ စကားတွေက နားထဲမှာ ပဲ့တင်ထပ်လာပြန်တယ်။ အောက်နှုတ်ခမ်းကို ခပ်တင်းတင်း သံခဲ ဖိကိုက်လိုက်တယ်။ လက်သီးကို ခပ်းတင်းတင်းဆုပ်ပြီး သတိအနေအထားဆွဲလိုက်တယ် ။ ပြီးတော့ အရက်ဖြူဆိုင်ထဲက အဖေ့ရှေ့ကို ရောက်အောင်သွားတယ်။
``အဖေ ဒီနေ့ကစပြီး ငါးမဖမ်းနဲ့တော့´´
ရုတ်တရက် အရက်ဖြူဆိုင်ထဲ ဝင်လာပြီး မဆီမဆိုင်စကားကို ပြောလိုက်တဲ့ သံခဲကို အဖေက ရီဝေဝေကြည့်တယ်။ ပြီးတော့ လက်ခါပြပြီး။
`` ဟာ ဒီကလေး ဘာတွေ လာပြောနေပြန်ပြီလဲ မသိဘူး။ သွား အိမ်ပြန်တော့´´
လျှောကျလာတဲ့ နှပ်ကို သံခဲ ရှုံ့သွင်းလိုက်တယ် ။ ပြီးတော့ ခန္ဓာကိုယ်ကို တောင့်သထက်တောင့်အောင် ခပ်တင်းတင်း သတိဆွဲလိုက်တယ်။
``ငါးဖမ်းရင် အဖေ အသက်တိုလိမ့်မယ်ဗျ ။ ရောဂါထူလိမ့်မယ်ဗျ´´
အဖေက သောက်လက်စ အရက်ခွက်ကိုစောင့်ချလိုက်ပြီး။
``မင်းကို ဘယ်သူပြောလဲ´´
``ဖွေးစိန်ပြောတာ သူတို့ကျောင်းက ဆရာမက သင်ပေးလိုက်တာတဲ့´´
``ဘာ ဖွေးစိန် ဟား ဟား ဟား ဟား…………… အဲ့ဒီဖွေးစိန်အမေပဲ ခုနက ငါးလာမှာသွာတာ သားရေ သူ့သမီးမွေးနေ့အတွက် ငါးပေါင်းကျွေးမလို့တဲ့ ဟား ဟား ဟား´´
သံခဲ စိတ်ရှုပ်သွားတယ် ။ အဖေ့ကို ဘာပြန်ပြောရမှန်း မသိဘူး ။ အဖေက သံခဲကို ဆိုင်အပြင်ဘက်ကို အတင်းတွန်းလွှတ်ပြီး ။
``ကဲ အိမ်ပြန်ပါ သားရယ် ။ အဖေ့ကို ငါးမဖမ်းစေချင်ရင်လေ ငါးဝယ်တဲ့လူ ငါးစားတဲ့လူတွေကို မဝယ်ပါနဲ့ မစားပါနဲ့ လို့ လိုက်ပြောချေ။ ငါးဝယ်တဲ့လူ ငါးစားတဲ့လူ မရှိရင် အဖေ ငါးမဖမ်းဘူး´´
သံခဲလည်း ခေါင်းတကုတ်ကုတ်နဲ့ ဆိုင်ထဲကထွက်လာခဲ့ရတယ် ။ ခေါင်းထဲမှာလည်းအတွေးတွေက နဝေတိမ်တောင် ။ ဖွေးစိန်က ငါးဖမ်းတဲ့အဖေ့ကို အသက်တိုမယ်ပြောတယ် ။ ဖွေးစိန်အမေက ဖွေးစိန်မွေးနေ့အတွက် အဖေ့ဆီမှာ ငါးလာဝယ်တယ် ။ အဖေက ငါးဝယ်တဲ့လူ မရှိရင် ငါးစားတဲ့လူ မရှိရင် ငါးမဖမ်းဘူးတဲ့ ။ သံခဲ ဘာလုပ်ရမလဲ ။ ငါးစားတဲ့ လူတွေကိုပဲ မစားပါနဲ့လို့ လိုက်ပြောရမှာလား ။ လိုက်တားရမှာလား ။ ဖွေးစိန်မွေးနေ့ကိုပဲ မလုပ်ပါနဲ့ သွားပြောရမှာလား ။
```````````````` အားးးးးးးးးးးးးးးးး´´´´´´´´´´´´´´´´´´´´´
အဖေ့ရဲ့ ငယ်သံပါအောင် အော်လိုက်တဲ့အသံ ။ ဆိုင်အပြင်ကို လေးငါးဆယ်လှမ်းရောက်နေတဲ့ သံခဲ ခြေထောက်တွေ အမိန့်ပေးစရာ မလိုဘဲ ဆိုင်ထဲသို့ ပြေးဝင်သွားတယ်။ ညာခြေ ဖဝါးကို လက်နဲ့ အုပ်ကိုင်ရင်း ရှုံ့တွနေတဲ့ အဖေ ။ သွေးတွေက အဖေ့လက်ဖဝါး ကြားထဲကနေ မြင်မကောင်းအောင်စီးကျနေတယ်။ သံခဲ အဖေ့ အနားမှာ ထိုင်ချလိုက်တယ်။ အုပ်ကိုင် ထားတဲ့ အဖေ့ လက်ကို ဆွဲဖယ်လိုက်တော့ အဖေ့ ခြေမနဲ့ ခြေညှိုးကြားထဲမှာ နံပါတ် ၃ ငါးမျှားချိတ်အကြီးတစ်ချောင်းက စိုက်လျက်သား ။ သံခဲလည်း လန့်ပြီး နောက်ကို ခြေတစ်လှမ်းဆုတ်မိတယ် ။ အဖေကတော့ ငါးမျှားချိတ်ကို အံကြိတ်ကာ ဆွဲနှုတ်တယ် ။ သွေးတွေက ငေါက်ခနဲ ပန်းထွက်လာပြန်တယ် ။
အဖေ့သူငယ်ချင်းတွေက အနာကို ရေလောင်းပေးပြီး သန့်စင်ကြတယ် ။ ပြီးတော့ အနာကို အရက်တွေ လောင်းချလိုက်တယ် ။ ဦးစံလှက တဲထဲကနေ ထွက်လာပြီး ။
``ဟ ကောင်တွေ အရက်ပျံလောင်းရမှာလေကွာ ´´
အဖေ့သူငယ်ချင်းက သူ့ပုဆိုးကို ဆွဲဖြဲပြီး အဖေ့အနာကို စည်းပေးနေရင်းက ဦးစံလှကို ပြန်အော်တယ်။
``ဟာ အရက်ပျံနဲ့ အရက်က ပျံတစ်လုံးပဲကွာတာပါဗျာ ရပါတယ် ခင်ဗျားမှာလည်း အရက်ပျံရှိတာ မဟုတ်ဘဲနဲ့ ကျုပ်တို့ဆေးနည်း ကျုပ်တို့သိတယ်´´
``အေးပါကွာ မင်းတို့ဘာသာ အဆင်ပြေလည်း ပြီးတာပဲ။ ငါ့ဆိုင်ထဲမှာ ဒီလောက်လှည်းကျင်းထားတာ ဒီငါးမျှားချိတ်က ဘယ်ကဘယ်လိုကျခဲ့လဲ မသိပါဘူး´´
ဦးစံလှက ပြောပြောဆိုဆို တဲထဲပြန်ဝင်သွားတယ် ။ အဖေ့သူငယ်ချင်းက အဖေ့လက်ထဲကို အရက်ပုလင်းထည့်ပေးပြီး။
``ကဲ သူငယ်ချင်း အိမ်ရောက်ရင် ဒါလေးမော့ပြီး အိပ်ချလိုက်´´
အဖေက ရှုံ့မဲ့မဲ့ မျက်နှာနဲ့ ခေါင်းညိတ်ပြတယ် ။ အဖေ့သူငယ်ချင်းက အဖေ့ကို တွဲထူရင်း အူကြောင်ကြောင်ရပ်ကြည့်နေတဲ့ သံခဲကို လှမ်းငေါက်တယ်။
`` ဟကောင်လေး ဒီမှာ လာတွဲဦးလေ။ အမလေး တော်တော်အားကိုးရတဲ့အကောင်´´
သံခဲလည်း အဖေ့ကိုပြေးတွဲလိုက်တယ်။ သူငယ်ချင်းကို တစ်ဘက် သားကိုတစ်ဘက် တွဲခိုပြီး ထော့နင်း ထော့နင်းနဲ့ လျှောက်နေရတဲ့ အဖေ့ကို ကြည့်ပြီး သံခဲ တွေဝေနေပြီ ။ ဒါဟာ ဖွေးစိန်ပြောသလို ဝဋ်ပဲလား ။ ဒါဟာ ဝဋ်ဆိုရင် ဒီဝဋ်တွေမလည်အောင် အဖေ ငါးမဖမ်းမှဖြစ်မှာ ။ အဖေ ငါးမဖမ်းဖို့ဆို လူတွေကို ငါးမဝယ်ဖို့ ငါးမစားဖို့ လိုက်ပြောရမယ်တဲ့ ။ သံခဲ ဘယ်လိုလုပ်ရမလဲ ။ ဒီရွာလေးမှာတောင် အိမ်ခြေကမနည်း ။ ငါးမစား ငါးမဝယ်တဲ့ အိမ်ကလည်း ခပ်ရှားရှား ။ ပြီးတော့ အဖေ့ဆီက ငါးဝယ်နေကြတာက အနီးအပါးရွာက လူတွေရောပဲ။ ဒီလောက် လူအများကြီးကို ငါးမစားဖို့ သံခဲ ဘယ်လိုလုပ် လိုက်ပြောရမလဲ ။ သံခဲပြောတိုင်းရော သူတို့က လက်ခံပါ့မလား။
``````````ဟင် ´´´´´´´´´´´´
တဲနားရောက်ခါနီးမှာမှ မြင်လိုက်ရတဲ့ မြင်ကွင်းကြောင့် သံခဲ မှင်တတ်သွားမိတယ်။ သံခဲတို့ တဲဝိုင်းထဲက ထွက်လာတဲ့ ဖွေးစိန်တို့သား အမိ ။ သူတို့နောက်ကမှ ငါးတောင်းတွေ ထမ်းပြီးထွက်လာကြတဲ့ ဖွေးစိန်တို့ အိမ်က အလုပ်သမားတွေ ။ ပြီးတော့ ဖွေးစိန်ရဲ့ လက်ထဲမှာကိုင်ထားတာက အမေ့ဈေးဗန်းထဲက ငါးကင်။ ဖွေးစိန်က သူ့အမေနဲ့ စကားတပြောပြော လျှောက်လာတယ်။ လက်ထဲမှာကိုင်ထားတဲ့ တံစို့ထိုးကင်ထားတဲ့ ငါးကင်ကိုလည်း ဖွေးစိန်က ငုံ့ကာ ငုံ့ကာ မွှေးနေသေးတယ် ။ ဟော့ဗျာ ဟော့ ဟော့ ။ ငါးကင်ကို ဖွေးစိန် ဖဲ့လိုက်ပြီ ။ ထည့်တော့မယ် ထည့်တော့မယ် ပါးစပ်ထဲကို ပါးစပ်ထဲကို ။
````````````````````ဖွေးစိန် မစားပါနဲ့ ´´´´´´´´´´´´´´´´´´´´
ကုန်းအော်လိုက်တဲ့ သံခဲရဲ့ အသံက မအူချောင်း ကမ်းတစ်လျှောက်မှာ ပဲ့တင်ထပ်လို့ ။
စံရတီ
